CONTRAMÍNATE

 Onte foi un dia,o tempo dirá se histórico ou non,para a nosa terra,para a Galicia das persoas. Milleiros de participantes na manifestación contra os proxectos mineiros que queren asolagar Galicia de Norte a Sur e de Oeste a Este. Houbo xente de toda idade e condición. Comenteino con amigos asistentes que o mais destacable era observar a cantidade de avós e tamén de netos. De trazarse unha radiografía por idades o 30% era xente moza de menos de 30 anos e outra gran maioría dos sesenta para riba. No medio. a ollo de bo cubeiro un 25%.

A praza da Quintana de mortos onte estivo mais viva ca nunca. Ateigada de xente. Non había forma de moverse e o banco de pedra pegado ao muro do Mosteiro de San Paio houbo que ocupalo de pe para protexer aos meniños pequenos que tamén había pese a non aconsellarse a presencia nestas aglomeracións masivas en espazos cerrados.

Todos os medios de comunicación dixitais o recolleron onte igual cos “castravexos” ( nomeados así polo finado de Moncho Valcarcel crego galeguista en ánima e corpo enteiro).Hoxe exerceu de notaria toda a prensa.

Como as imaxes seguen valendo mais ca mil palabras aí van unhas poucas:

"Contramínate", 2 de xunho do 2013. Praza da Quintana ... - YouTu

 Abarrote 'contraminero' en A Quintana

 Manifestación en contra da minería salvaxe en Galiza - YouTube

Sirva pois para constancia dos aconteceres cando pasado o tempo acudamos con morriña a recordar cousas do pasado.

Mais nada. Saúdos para todos. Máxime para os que se acheguen a esta fiestra para mirar ou para deixar algo cando teñan xeito. Sobre todo ao compañeiro Eduardo,a Andrés Amboage, a Antonio Puertas a Fernando Ledo e a todos os demais en particular e mais en modo xeral. Que teñades bo verán agora que parece que vai vir para quedarse.Rafael