Benvidos


Belvís

Belvís
Seminario Menor de la Asunción - Santiago

domingo, 13 de febrero de 2011

AS MIÑAS POESÍAS

CANTAREIRA

Con madeira das Carballas,
Saltarica e argalleira,
Construín a gameliña
Que a chamei Cantareira.

Toletes de buxo lixado
Con navalla mariñeira,
Estrobo de esparto leado…
Fachendosa e rebuldeira.

Anacos de pino roxo,
Escaravellado en toleteiras
Engastadas en un foxo
Con carballo polas veiras.

De cores verdes repintada,
Chapapote espeso no plan,
Estopa en brea barruntada
E dous roletes polo chan.

Amarrada na poutada
Coas súas compañeiras,
Deica ó verán está varada
Pa bailar polas ribeiras.

Os remiños polas bandas
Van vogando chapuceiros
E, a gamela, en guinadas
Cos tombiños trapalleiros.

Cantareira, cantareiriña,
Ondiñas que ides con ela,
Cantádelle á miña xoíña,
Que os ventos peneiran nela.

Antonio Puertas
 
 
 

No hay comentarios:

Publicar un comentario