Novas sobre Andrés 2

Como me chaman algúns compañeiros para preguntarme e interesarse polo estado da saúde de Andrés teño que informar,conforme ao meu leal saber e entender, que polas informacións directas e mais indirectas que teño evoluciona favorablemente. Segue hospitalizado, con reserva das visitas aos familiares, pero cónstame que xa o visitaron Gómez Verdía, Isolino Esmorois, Enrique Vázquez Pose e o mesmo Dios,o compañeiro Agustín. Neste caso a interpretación da norma hospitalaria,tanto por parte da familia,como del mesmo é o mesmo persoal do hospital, é “in senso lato”.A impresión que lles causou é que desta sairá. Foi un aviso e de agora en diante poderá facer aquilo que poida e o demais quedará sen facer. “Ad imposibilia nemo tenetur” Fraga dixit cando o das vacas loucas foron amoreadas nunha canteira preto de “Desván de los Monjes”.Pero o certo é que é de aquelas premisas que D.Luciano Palleiro, cando nos explicaba Lóxica, dicía que era unha premisa universal que se podía predicar de todos e para todos os entes.

Estamos vivindo en tempos, nos que aquel axioma de Luciano Pena,cando en Sanmartiño se pasaba fame e frío lle dicía ao finado de de D..Manuel Bugallo que “primum vívere et deinde filosophare”

A partir de mañá terei algunha información mais e no caso de que sexa transcendente ou non deixaréivola aquí. De momento o que se sabe hai que cualificalo de boas noticias. Cos mellores desexos pata todos. Rafael.