POLO CUNCHAREIRO ARRIBA

Canta o galo no curral e ouvea o can na cadea;

entre bocado e bocado, balando queda a ovella;

a auga pinga polo saio saltaricando na sella

na canle que vai a moza, ca marea case chea.

Polo Cunchareiro arriba ferve a auga da marea,

calcando raiolas no mar que lucen no arco da vella,

e as ondas rachan en gracia dun ceo que ali esguella

en medio de cunchas e saios que, andando, van ca area.

Canta o carro, e o carneiro turra por diante da vella,

que leva os dedos das mans cas contas que fai a leiteira

i, entre as tetas agocha o pano, ó remata-la feira.

Cunha vara aguillada i unha cabicha na orella,

...un pantalón mendado i un cadelo de palleiro,

vai o vello e vai o carro pola cima do Cunchareiro.

Antonio Puertas.

Tódolos dereitos reservados.