Benvidos


Belvís

Belvís
Seminario Menor de la Asunción - Santiago

jueves, 10 de febrero de 2011

CORENTA E UN DE XANEIRO (R.G.R.)


Hai xusto corenta e un días que estiven ausente deste foro comunicativo. A razón non foi outra distinta ao desánimo no que caemos un pouco todos agás o intrépido Puertas que non lle falta tinta para o cálamo e sempre o ten a man para poñer unhas letras.
Aos que me mandaron algún correo ou me chamaron para preguntarme se me pasaba algo malo debo manifestarlles que non. Todo o contrario. Andei tocando o corno anunciante do xubileu. Tamén desde este mes formo parte do selecto club dos que acedemos a unha pensión contributiva .Que por moitos anos permanezamos asociados e que mellore a economía para que poidan aumentar as cotizacións e non se poña en perigo o estado do benestar do que as pensións son un dos piares fundamentais.
Andrés comentounos o do corno que anunciaba o ano xubilar en Israel. O que non nos dixo,tampouco tiña porque o facer, e cal era o motivo da ledicia. Se os meus acordos non me traizoan, tennos contado Rafael Silva Costoyas , facía falar ás Sagradas Escrituras,o motivo era que cada sete series de sete anos ou sexa o ano corenta e nove, ou mellor dito cada corenta e nove anos, os israelitas liberaban as terras deixándoas a barbeito e repartían a terra de novo. Así empezaban todos coas mesmas oportunidades evitando que se apancase a riqueza. Había equidade e xustiza material e social nos modos en que se organizaba o pobo de Deus no A. Testamento. Eran outros tempos.
O que me animou hoxe a escribir foi un correo que me chegou duns amigos madrileños no que me facilitan unha serie de direccións que me son moi útiles. O que gratis me deron tamén gratis o dou mentres a chamada lei Sinde o permita,Isto non está nin estará penalizado sempre que non vendamos aquilo que descargamos.
Primeiro vai iso e despois,se hai tempo, porei algunha zaragallada mais.
Se vos queredes comunicar en calquera das linguas mais frecuentes utilizade ese tradutor automático:escribes o que queiras,na lingua que queiras e tradúceo a lingua que queiras. Un auténtico pentecostes.( Debeu ser o que utilizou o noso Roberto (Varilla) o de cultura cando dixo que o Camiño de Santiago pasaba por “Desván de los Monjes”):http://www.tradukka.com
 Se queres escoitar outras músicas que non sexan as habituais nesa páxina podes escoitar unhas mil pezas:www.welkestijl.nl
Se non son do teu gusto ou as consideras de mala calidade na seguinte atoparás boa música:www.buenamusicagratis.com

Se o que realmente prefires son cancións soamente en italiano entón e aquí onde tes que clikear: http://www.italiasempre.com/vers2/mp32.htm

Se non estás para gaitas nin músicas e queres acceder a outros sitios de distinta utilidade vas a este universo e verás como algo de alí che gusta:http://www.wondersoftheworld.tv

Se o que queres,en realidade son libros e revistas pódelas encontrar nesas páxinas:

No caso de que sexas un lector compulsivo e que o que necesitas é a biblioteca da UNESCO tela tamén ao alcance da man: http://www.wdl.org 

Se acaso foses un reposteiro frustrado ou un auténtico”cocinillas”aí podes dispor dos receitarios mais requintados:http://www.recetasderechupete.com/todas/recetas/recetarios/

Se queres observar o que pode facer a tecnoloxía pincha aquí: www.oddcast.com/home/demos/tts/frameset.php?frame1=talk

Se queres ver algúns dos recursos cos que contan os ensinantes:http://roble.pntic.mec.es:80/arum0010/
www.amolasmates.es

Pero se en realidade o que che segue gustando de verdade é o fútbol como cando estabamos no Seminario entón tes que ir aquí: http://www.firstrow.net/

Pero ao mellor fuches bo alumno con Ares Espada,en Hª da Arte, é o que che gustan son os museos tes que ir aquí:http://www.mystudios.com/artgallery/
Pero, se en realidade o que queres é deixarte destas andrómenas de xente lacaceira que non ten moito que facer é o que queres,nestes tempos en que as economías andan moi mal, é aforrar uns Euros cando vas facer gasolina entón tes que ir á gasolineira mais barata e que non estea moi lonxe xa que senón pode ir o gañado polo servido. Aquí é onde te informas dos prezos dos carburantes mais preto da túa casa:http://gas.encooche.com/
Saúdos para todos. A Payo,agora que ten tempo,benvido tamén ao club, que nos conte algo dos sesenta que pasamos xuntos ou de calquera outro tempo. A Vilariño agradecido pola información sobre as películas. Ten bos gustos xa que a crítica pon as dúas moi ben. Teñen catro estrelas. Procurarei velas se non me pasa como con “18 comiddas” que xa a quitaron e soamente a poñen en Santiago.
Non hai de que. Deica á próxima xeira e non penso tardar tanto. Rafael

PD/ Saltei unha páxina:http://www.xtec.net/~ealonso/flash/europa3.html por se o que queredes é facer unha de aquelas excursións que faciamos con D, Donato polos Montes Apeninos ou Os Alpes e repasar a Xeografía moderna. E tamén se queredes ler o libro de Pagola podédelo facer aqui: http://www.sancarlosborromeo.org/http://www.sancarlosborromeo.org/docs/Libro_Pagola.pdf Eu aínda non atopei a Arriano pero tampouco o rematei de ler.

No hay comentarios:

Publicar un comentario