Semana de Teoloxía da Coruña - Prof. Fernando Vidal, sociólogo, da U. Comillas.
Tedes que desculpar a miña ausencia temporal deste blog. Ás veces por preguiza, outras veces porque non teño tempo nin para a preguiza. Estiven de vacacións entre o 27 de xullo ata o 9 de agosto. Despois colleu as vacacións Manolo Alvite e tiven unhas xornadas intensivas de párroco asumindo eu temporalmente o que el fai sempre, polo que tamén el merecía e necesitaba as vacacións. Despois veu a Semana de Teoloxía que organizamos no remate de agosto no Fogar de Santa Margarida e na que estou persoalmente moi implicado. Esta Semana cadra sempre tamén coa festa de Santa Margarida, parroquia onde estamos Alvite e mais eu, polo que foron xornadas intensas. Antes de marchar de vacacións quixen ter posto no blog o encontro dos cregos en Meira pero non atopei o xeito e fágoo agora. Comprobo que os blogueiros activos somos aínda poucos e se non fose por Rafael G. Ramos, Eduardo Seco, Antonio Puertas e dous ou tres esporádicos máis, esta páxina non tería vida... ¡Tanto como hai de que falar e tanto como hai que compartir! Teremos que incluir na próxima convivencia (dúas semanss xa) unha proxección do blog, medio áxil, vivo e axeitado para seguir encontrándonos moito máis que virtualmente, pois o intercambio de ideas e sentimentos que aquí facemos é fondamente persoal e auténtico.
No hay comentarios:
Publicar un comentario