Benvidos


Belvís

Belvís
Seminario Menor de la Asunción - Santiago

lunes, 5 de septiembre de 2011

MOI BOAS



Moi boas teñan vostedes, tardes,noites ou mañás conforme sexa a hora na que cadaquén acceda a este encerado colectivo.
Como diciamos onte, emulando a Frei Luís de León cando volveu á cátedra despois de pasar cinco anos preso por traducir o libro do Cantar dos cantares,espero que tiverades un feliz verán de descanso e asueto para coller forzas e mais enerxías para o inverno que se nos aveciña.
Ten razón Eduardo que convén retomar a actividade con algo sinxelo, como aperitivo,antes de botarse a comer de todo,O mesmo que cando temos problemas serios dixestivos que debemos empezar con caldos limpos e líquidos para seguir despois con dieta branda e progresivamente ir introducindo alimentos fervidos para rematar con asados e guisos como nos dos días de festa.
De non mediar forza maior xa logo ven o terceiro Sábado de Setembro para pasalo todos xuntos en amor e compañía como xa é tradición destes últimos anos. Que non falte ninguén. Todos serán benvidos.
A colaboración de hoxe consistirá nuns breves comentarios sobre o Padre Silva que acaba de deixarnos,outro mais filosófico sobre a conciencia e o diñeiro e por último unha alegría compartida con vellos loitadores da chamada taxa Tobin, rematando coas fazañas do compañeiro Puertas que adestrou todo o verán para a pesca da lura xigante,deixando a un lado a poética,acadando resultados salientables dos que se fixo eco a prensa nacional.
A.- Padre Silva, in memoriam: Foise un bo crego dos admirados e admirables pola obra en favor dos nenos a quen as familias nos lles podían dar a educación á que tiñan dereito. A “Ciudad de los muchachos”de Bemposta foi unha escola de autoxestión exemplar e modélica. Alí se promoveron os valores da responsabilidade e da democracia. Era famosa a gasolineira a que se ía a repoñer combustible,atendida polos alumnos,cando se visitaba Ourense. Cando empezou a ter problemas coas autoridades de Ourense e Xunta afincouse en América do Sur,Venezuela e Colombia onde seguiu coa escola de Circo e coa obra social. Foi noticia este fin de semana. Nese sitio se queredes podedes ter mais información:

Muere el padre Silva pero siempre vivirá en los corazones de ...

  Vivirá na nosa memoria e mais no ceo para o que tivo méritos suficientes para quedar alí toda a vida.

B.-Hai xa algún tempo que me falaron dunha conferencia sobre a Banca ética que xa escoitei dúas veces. Agora teñen unha sucursal na Coruña. Se alguén se atreve a adicarlle a hora e media que leva escoitala non se sentirá defraudado. Son ideas de futuro.
C.-A chamada taxa Tobin,un imposto as transaccións internacionais do diñeiro que no foro social altermundista levan tantos anos reclamando,parece que,por fin este mes os ministros de finanzas da Unión Europea proporana á Comisión para que por fin se estableza. Non deixa de ser unha gran noticia e hai que festexala. Detrás como consecuencia lóxica terá que vir a erradicación dos paraísos fiscais (O Vaticano esta caladiño porque nese campo a autoridade moral tena moi minguada),un sistema de impostos común para todos os países da Unión monetaria e unhas funcións reais do Banco Central Europeo que actúe,con emisión de bonos,como un verdadeiro Banco Central.
 
D.-Desde aquí hai que darlle os parabéns a Puertas. Aí podedes ver a repercusión que tivo a súa fazaña.
http://www.lavozdegalicia.es/carballo/2011/08/24/0003_201108C24C12991.htm
Pois mais nada. Bos desexos para todos e tempo teremos de deixar por escrito algo que axude a comunicación nostálxica que as nosas idades tamén ten a súa razón de ser,sempre que non toda sexa iso,e tamén miremos cara adiante. Parécemo a min. Rafael
 
 
 

No hay comentarios:

Publicar un comentario