Comida de entroido, e 5. Agora xa beben viño e aquí quedamos (Andres GV)

¡Pobre Puertas, que estoicamente resiste o terremoto de palabras, o diluvio de recordos, a incontinencia de consellos, a vis comunicativa, a treboada de ideas que lle chegan, como torrenteira, dos labios de Dios, Agustín!
A gostiño se lles ve a estes tres, coas copas de Rioja (¡ben que sabía, si señor!) precursoras, por fin, das mesiánicas viandas, tan esperadas.
Eran as tres e media da tarde do venres antes do entroido.
Eramos doce na mesa. Doce, un  número cheo de saludables connotacións.  Desde a mesa derradeira de Cristo ata as promesas e esperanzas dos fillos do patriarca Iacob.
Doce foron  as tribos de Israel e desde aquela este número, doce, desvela a complexa riqueza do que é comunitario, de todos. Nesta mesa do entroido coruñés de 2010 fisicamente estabamos doce. Pero connosco estaba toda a Quinta do 57.