As boas vibracións que me transmitiu Eduardo,pese a que eu as ignorase, con pregaria incluída, foron de máxima eficacia para que con vento mariño de popa ,moi navegador, arribase ao porto do fogar na tarde do Venres. A poesía de Antonio tamén remou a favor. Moitas grazas .As musas inspiran á boa xente. E ti es parte dese conxunto evidentemente. Desexo que cando ti visites a casa da saúde teñas tamén a mesma boa sorte.
Hoxe Domingo xa me atrevín a poñerme diante do computador. Teño moi dorida aínda a “salva sea la parte”. Por iso vai ser breve a carreira de hoxe. Tempo de sobra teremos no futuro. O trato que me dispensaron, todo o persoal sanitario, foi excelente. Ademais duns fíos que me incrustaron nunha nádega aproveitaron para extirparme uns falsos pólipos e mais unhas almorrás. Tres en un como os produtos dietéticos. Unha hora de quirófano e o médico árabe confesoume e demostrou que xa sabía falar o galego con bastante perfección..O primeiro que aprendeu a dicir foi:: andar de carallada. Por hoxe mais nada. Saúdos a todos sobre todo a Ramón Senín que andaba perdido e volveu ao curro literario. Durante a semana teclearei algunha cousa mais. Gracias a todos os que a través de outros medios vos interesastes pola miña saúde que irei recuperando con todas as axudas que me prestan. Rafael
No hay comentarios:
Publicar un comentario