Cumprindo un encargo

Hai cáseque un mes que o pluricompañeiro Enrique Vázquez Pose me encomendou, mediante un correo, que colase no Blog esa foto comparativa que me mandou. Digo pluricompañeiro porque son varios os títulos de compañeiro que nos une: San Martiño Pinario,Profesor de Secundaria,Licenciado en Dereito e o de amigo agradecido polo ben que rexenta o departamento do audiovisual.

No primeiro momento que abrín o correo non o fixen e hoxe que me puxen a facer limpeza, tirando a papeleira tantas mensaxes non desexadas e inútiles, e seguindo unha máxima ditada pola experiencia, de antes de romper ningún papel ou mensaxe asegurarse do seu contido,encontreime con que non debía tirala a papeleira senón poñela no seu sitio que non é outro mais ca este seguindo o encargo de Enrique.

No referido correo facía constar que na de este ano falta o seu primo,compañeiro de pupitre de Agustín Dios, Doval Pose,que asistiu á comida pero non saíu na foto por ter que atender unha urxencia fisiolóxica. O que demostra, ao seu criterio,o acerto de aquel dito de que: o que se move nos sae na foto.

Pois aí queda para admiración de quen a queira mirar. Con atraso pero cumprín, Enrique. Espero que noutras encomendas que me fagas ser mais dilixente: Como un bo pai de familia ou un ordenado comerciante que eran os paradigmas da corrección xurídica no Código Civil e de Comercio.(Esta é xerga de letrados: como o barallete dos canteiros). Mais nada compañeiros todos e como exercicio para a próxima clase facede unha foto coa imaxinación de como será a do 2020.Se alá chegarmos. Rafael

N.B.Para os non moi prácticos nestas lides:Hai que facer clik na foto para vela mais grande