ADEUS DON XOSÉ

Polos ventos de Aldán están a chegar

bágoas que achegarán a Compostela;

anegarán as terras de Breogán

e as chuvieiras laiarán por toda ela. 

Están a falar, pingando polo chan.

Din que quen fora noso señor, finou;

Don Xosé, nobre cabaleiro cristián,

que, noutros tempos, en Belvís adestrou.

¡ Adeus, Don Xosé ! Xa estou a ver a Asunción

baixar do pedestal e erguer, con himnos,

pa que, cos anxos, descanse en paz de deus,

e, dende aló, ben alto, vele por nos.

Antonio Puertas