Mesa de entroido, 4.Xa estamos todos.

Será verde. Pero verde picante. Quen o contou non sei, pero as risadas de Alfonso e de Pereira son delatoras. ¿Ou non?
O contraste está no fondo, no contraluz das nevadas cabezas de Rogelio Cotelo, de Manolo Felpete e de Juan Sanlés, onde a conversa debe de pasearse por alamedas menos esvaradizas.
Pero aquí ¿cando se come?
O mantel segue agardando que lle caian enriba unhas pingas de Rioja, unhas manchas de graxa, unhas faragullas de pan... Para iso son os manteis.
Pero os que deberían estar máis impacientes seguían de leria.... Coma se nada.